B/weyne: Laba qof ayaa ku geeriyootay Masjid Caawa Bam gacmeed lagu tuuray

Laba qofood ayaa geeriyootay halka ku dhawaad 7 kale ay dhaawacyo soo gaareen caawa kadib markii Bam gacmeed lagu tuuray Caawa Masjid ku yaala Xaafadda Howl wadaag la yiraahdo ee magaalada Baladweyne gobolka Hiiraan.

Weerarka ayaa dhacay caawa xilli dadku ay ka soo baxeen Salaaddii Cishaha, waxaana lagu soo waramayaa in dadka dhaawacmay la geeyay cusbitaalka guud ee magaalada Baladweyne halkaas oo iminka lagu daweynayo dhaawacyadooda.

Ma jirto ilaa hada wax war ah oo ka soo baxay maamulka iyo saraakiisha amniga oo ku aadan sida ay wax u dheceen iyo cidda falkaasi ka dambeysay.

Goor dhow Ayaana idiin soo gudbin doonaa aqristayaal wixii macluumaad ah oo ku soo kordha wararkaasi hadduu alle idmo.

LEAVE A REPLY

Please enter your comment!
Please enter your name here