Cabasho ku aadan wadada isku xirta Gaalkacyo iyo Afbarwaaqo oo isa soo tareysa

Maamulka Deegaanka Afbarwaaqo ayaa ka cawday isticmaalka wadada isku xirta Galkaacyo iyo deegaanka Afbarwaaqo kaddib bacaad farabadan oo wadadaasi xiray, taasi oo sababtay in gaadiidka ay deegaanno kale maraan oo ay ku qaadato safar dheer.

Sidoo kale shacabka deegaanka ayaa dhankooda cabasho ka muujiyay sara u kaca ku yimid raashinka oo ka dhalatay gaadiidka raashinka qaada oo hakad galay, madaama deegaanak Afbarwaaqo iyo deegaananda kale ee dhaca dhanka waqooyi bari ee gobolka Mudug inaysan jirin gaadiid si toos ah u isticmaali karta.

Guddoomiyaha deegaanka Afbarwaaqo Cabdulaahi Yuusuf Guuleed oo la hadlay Warbaahinta Qaranka ayaa sheegay in gadiidka xamuulka qaada ay dhib ku isticmaalka wadada isku xirta Gaalkacyo iyo deegaankaasi, isagoo intaa ku daray in haddii arrimaahasi wax laga qaban waayo ay ka dhalan karto dhibaato xagga nolosha ah.

“40 km oo 35 km bacaad ah, shana ay tahay dhagax ayaa jira, waxaan ku soo sameynay kormeer, runtii shacabka dhibaato badan ayay ku qabaan isticmaalka wadadaasi, mana jiraan meel dadka deegaannadaasi ku nool raashinka loo marsiiyo, madaama gaadiidka xamuulka qaada aysan isticmaali Karin, waxaana codsaneynaa in wadadaasi dib loo furo” ayuu yiri Cabdullaahi.

Wariyaha Warbaahinta Qaranka ee Gobolka Mudug Cabdirisaaq Maxamed Axmed ayaa ku soo waramay in sicir barar uu ka jiro deegaanka Afbarwaaqo iyo deegaannada kale ee ku xeeran, maadaama gaadiidka xamuulka qaada ay dhibaatooyin badan ku qabaan isticmaalka jidka isku xira Gaalkacyo iyo deegaanka Afbarwaaqo.

LEAVE A REPLY

Please enter your comment!
Please enter your name here