Cali Americo oo Kooxda Wariyaasha Kala Qeyb Galay Tartan Ispoorti Afurna u Sameeyay Wariyaasha “Sawirro”

0
2857

Safiirkii hore ee dowlada Soomaaliya u fadhiyay dallkan Kenya Maxamed Cali Nuur Ameeriko ayaa kala qeyb-galay kooxda saxafiyiinta Nairobi ciyaar kubadda cagta ah oo ka tirsan koobka Ramadaanka ee xaafadda Islii, isagoo kadibna afur u sameeyay Saxafiyiinta Nairobi ku sugan oo ay hoggaaminayeen agaasimayaasha telefishinnada Soomaalida ee xarumahaku leh Kenya.

Danjirihii hore Maxamed Cali Nuur Ameeriko ayaa saxafiyiinta ku taageeray dedaalkooda,isagoo ugu hambalyeeyay bisha Ramadaan una rajeeyay in ay guul ka keenaan tartanka sanadkan maadaama sanadkii hore ay finalka gaareen.

Cali Americo ayaa ku amaanay saxafiyiinta sida ay isugu xiran yihiin, iskuna caawiyaan xilli kasta, kuna tilmaamay isboortiga in uu muhiim u yahay isdhexgalka bulshada.

Guddoomiyaha Jaaliyadda Isboortiga Soomaaliyeed ee dalkani Kenya Khaliif Cali Axmed ayaa danjiraha ku soo dhaweeyay garoonka,isagoo uga mahad celiyay taageerada uu la garab taagan yahay bahda isboortiga iyo Saxafiyiinta.

Sidoo kale guddoomiyaha saxafiyiinta qurba-joogta Soomaaliyeed ee Kenya Maxamed Cismaan Xuseen (New York), ayaa ku tilmaamay booqashada Danjire Cali Ameeriko mid niyad dhis iyo dhiirri-gelin siineysa kooxda saxafiyiinta iyo guud ahaan ka qeyb-galayaasha Tartanka koobka Ramadaanka ee ka socda xaafada Islii.

Ciyaartii shalay oo aheyd kulankii labaad ee kooxda saxafiyiinta ayaa looga adkaaday 2-1 kooxda Saxafiyiinta,waxana u harsan seddex kulan,iyagoo ku jira Group-ka B, waxeyna leeyihiin rajo ay ugu soo gudbi karaan Semi-Finalka.​

Dhinaca Danjirihii hore ee safaarada Soomaaliya ee dalkani Kenya ayaa afur u sameeyay qaar ka mid ah wariyaasha Soomaaliyeed ee ku nool dalkani Kenya,isagoo uga mahad celiyay sida ay ula shaqeeyeen mudadii uu xafiiska hayay.

Wariyaasha ayaa sidoo kale Safiirka ku amaanay sidii uu mar kasta ula socon jiray xaaladahooda iyo dhibaatooyinka ku soo kordho.

Dowlada Soomaaliya ayaa bedeshay Danjire Maxamed Cali Nuur Americo kadib markii ku dhawaad todobo sano uu ahaa danjiraha dowlada Soomaaliya u fadhiyay dalkani Kenya.

Cali ght gyt hyt IMG_0004 IMG_0010 IMG_0011 IMG_0014 IMG_0016 IMG_0017 IMG_0028 IMG_0029 IMG_0030 IMG_0031 IMG_0034 IMG_0036 IMG_0041 IMG_0042 IMG_0043 IMG_0051 IMG_0053 IMG_0054 IMG_0061 IMG_0062 IMG_0064 IMG_0065 IMG_0069 IMG_0072 IMG_0075 IMG_0079 IMG_0080 IMG_0082 IMG_0083 IMG_0084 yg yhtg

Sawir qaade: C/raxmaan Somali

Did you like this? Share it:

LEAVE A REPLY

Please enter your comment!
Please enter your name here