Canada oo ballanqaad u sameysay dadka ka cararaya waxyeellada Maleeshiyaadka Daalibaan

Dowladda Canada ayaa sheegtay inay qaadi doonto ilaa 20,000 oo qaxooti reer Afghanistan ah, kuwaas oo ay ku jiraan madaxda Ururada Haweenka, Shaqaale Dowladeed iyo Dad kale oo wajahaya hanjabaadyo ka imanaya Kooxda argagixisada ah ee Daalibaan, xillii maleeshiyadan ay ku sii fidayaan qeybo horleh oo ka mid ah Afghanstaan.

“Xaaladda Afghanistan waa mid qalbijab leh, inaguna ma fiirsan doonno,” ayuu Wasiirka Socdaalka Marco Mendicino ku yiri shir jaraa’id oo uu Jimcihii qabtay.

Iyadoo Daalibaan ay ku sii siqayaan Caasimadda, ayaa saraakiishu waxay sheegeen in ciidamada gaarka ah ee Canada ay qeyb ka yihiin qorshe kumeel gaar ah oo shaqaalaha safaaradda Canada looga saarayo Kabul, laakiin faahfaahin dheeraad ah lagama bixin, maadaama howlahan ay kuwa xaasaasi ah.

dalal badan oo ay ku jiraan Spain, Denmark, Norway iyo Netherlands ayaa horay ugu dhawaaqay inay shaqaalaha Safaaradahooda kala baxeen gabi ahaanba Afghanistaan.