Caqabadaha Waxbarasho ee dalka iyo sida looga gudbi karo oo laga hadlay “SAWIRRO”

0
3306

Kulankan lagu soo bandhigayay daraasad laga sameeyay caqabadaha waxbarasho ee ka jira dalka Soomaaliya iyo sida lagu xalin karo oo uu soo qaban qaabiyay Machadka Heritage ee daraasaadka Siyaasadda ayaa waxaa ka qeyb galay Wasiirka Waxbarashada iyo Tacliinta sare Wasiirka ku-xigeenka Waxbarashada, Agaasimaha guud, mas’uuliyiinta Machadka Heritage , ,siyaasiyiin, aqoonyahano, bahda waxbarashada, culimaa’udiin, ururrada bulshada rayidka ah iyo arday.

Kulanka ayaa waxaa ugu horeyn lagu soo bandhigay warbixin ku saabsan daraasadda uu waxbarashada Soomaaliya ka sameeyay C/llaahi Sheekh Xuseen oo ah aqoonyahan Soomaaliyeed, taasoo ka hadleysay dhowr arrimood oo ku saabsan xaaladda waxbarashada Soomaaliya, gaar ahaan caqabadaha hadda jira iyo sida wax looga qaban karo oo ay ugu weyn tahay in la helo siyaasad dhab ah oo waxbarashada dalka ku saabsan.

Ka soo qeyb galayaasha oo qeybo kala duwan isugu jiray ayaa waxa ay talooyin ka dhiibanayeen sida daraasadan loo sameeyay iyo qeybaha ay ka koobantahay, waxaana waxyaabaha ka qeyb galayaashu ay ka hadlayeen ka mid ahaa dhibaatooyinka dhinaca manaahijta waxbrashao ee dalka, luuqadaha ardayda Soomaaliyeed ee gudaha dalka ku sugan ay wax ku bartaan, tayada maclimiinta iyo in ay helaan tababarro xirfadooda kor loogu qaado, in miisaaniyad gaar ah waxbarashada loo helo, imtixaan mideysan in la helo iyo Wasaaradda ay goobaha waxbarashada ku ilaaliso in macalimiintu ay helaan tababarro aqoon kororsi, waxaana talooyinka oo mararka qaar ay su’aalo la socdeen jawaabo ka bixinayay wasiirka waxbarashada.

Kulanka oo qaatay wax ku dhow laba saacadood ayaa waxaa geba gabediisa warbaahinta Qaranka la hadlay C/rashiid Khaliif Xaashi oo ah agaasimaha Machadka Heritage ee daraasaadka siyaasadda

“Warbixinta aad aragteen waxaan diiradda ku saarnay Waxbarashada dalka, caqabadaha aan aragnay waxaa ka mid ah in dalka uusan ka jirin Manhaj mideysan, loona baahanyahay in arrintaasi wax laga qabto iyo in luuqadaha ardayda wax lagu barayo ay caqabad ka jirto” ayuu yiri Cabdirashiid.

Wasiirka Waxbarashada iyo Tacliinta sare ee Xukuumadda Federaalka Soomaaliya Qadro Bashiir Cali oo u mahadcelisay machadka Heritage oo kulankan soo qaban qaabiyay ayaa sheegtay in ay wada tashi la sameyn doonto bahda waxbarashada ,in la dejiyo sharciga waxbarashada dalka iyo siyaasad waxbarasho oo degan.

“Waxaan diyaarineynaa sharciga waxbarashada dalka oo aan rabno in aan u gudbino golaha Wasiirada, marka la meel mariyana aan hordhigno golaha baarlamaanka, idinkuna waxaa la idinka rabaa in aad taladiina ku soo biirisaan diyaarinta siyaasadda waxbarashada ee dalka” ayay tiri Wasiirka Waxbarashada Soomaaliya.

??????????????????????????????? ??????????????????????????????? ???????????????????????????????  ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ???????????????????????????????

 

???????????????????????????????

Sawir Qaade:- Maxamed Cabdullaahi Maxamed (Feereysane)

Did you like this? Share it:

LEAVE A REPLY

Please enter your comment!
Please enter your name here