Caruur tabaaleeysan oo dhar ciid loogu qeeybiyay degmada Xamarweyne

Maamulka Degmada Xamarweyne ee gobalka Banaadir ayaa Xarunta Degmadaasi dhar ugu qeybiyay 182 caruur ah oo qoysaskoodu  danyar yihiin Kuwaasi oo loogu talagalay in ay ku ciidan.

Gudoomiyaha Degmada Xamarweyne ee Gobalka Banaadir Cabdiqaadir Maxamed Cabduqaadir ayaa Radio Muqdisho u sheegay in 182 caruur ah maanta loo qeybiyay dhar ay ku ciidaan iyo qalab waxbarasho, isagoo uga mahadceliyay hey’adda soo dhiibtay dharka.

“Sidaad u jeeddan Maanta Degmada Xamarweyne  waxaa laga qeybiyay  Dharka Ciidda oo Caruurta Fuqarada ah, masaakinta ah,  waxba heysan oo loogu talagalay  waxey gaarayen 182 iyo kun oo rag waaweyn ah oo la siinayo cambuur qamiis ee guud ahaan waxaa noo keenay walaala  hey’ada Igaasal Islam” ayuu yiri gudoomiyaha degmada X/weyne.

Guddoomiyaha degmada X/weyne ayaa uga mahadceliyay hey’adda caruurtaasi u qeybisay dharka ciidda, wuxuuna tilmaamay iney muhiim tahay in caruurta danyarta ah ay farxad kula ciidaan caruurta kale ee asaagood ah.

LEAVE A REPLY

Please enter your comment!
Please enter your name here