Caruurta Jimciyadda SOHEDA oo waxbarasho loogu deeqay

1300

Munasabadan oo lagu soo bandhiyey  9 Jamacadood oo ka mid ah Jamcadaha  ku yalla magaalada Muqdisho oo deeq waxbarsho ugu deeqay carruurta agoonta iyo danyarta ah ee ay gacanta  ku hayso Jimciyadda  SOHEDA, laguna dhiiri geliyey  aasaasaha  Jimciyadaasi  Xildhibaan Khadiijio Maxamed Diiriye, iyo dhaamn inta gacanta ka geysatay caawinta carruurta ay xanaanayso .

Xafladda oo ay soo qaban  qaabisay Jimciyadda horumarinta waxbarashada iyo gar gaaarka beni aadanimada SOHEDA  ayaa waxaa ka qayb galay  Guddoomiye ku xigeenka labaad Barlamaanka Soomaaliya  mudane Mahad Cabdalla Cawad, Xildhibaanno ka tirsan Barlamaanka Soomaaliya, Guddomiyaha guddiga madax banaan ee  doorashooyinka Qaranka,  oday dhaqameed ,arday iyo marti sharaf kale.

Xildhibaan khadiijo Maxamed Diiriye oo ugu horayn ka hadsahy madasha ayaa sheegtay inay aad ugu faraxsantahay kulankan lagu dhiiri gelinayo aas aasayaasha Jimciyadda, isla markaana deeqo waxbarasho ay ka heleen carruurta ay Jimciyadda gacanta ku hayso sagaal Jaamacadood oo Muqdisho ku yaalla oo ay ka midyihiin Jaamacadaha SIMAD, SIU, Plasma, Jobkey iyo kuwa kale.

Mustaf Sheekh Cali Dhuxulow oo ka tirsan Barlamaanka Soomaaliya ayaa  xusay in  aas-aasayaasha  Hay’add SOHEDA  ay sameeyaan  arrin ay tusaalle ka dhigan karaan Ummadda Soomaaliyeed, isagoo  balan qaaday in uu ka faallo  qaadayo 25 arday oo ka mid ah  carruurta ay gacanta ku heyso SOHEDA.

Guddoomiye ku-xigeenka labaad golaha shacabka Soomaalieed Xildhibaan Mahad Cabdalla  Cawad oo ugu dambeyntii ka hadlay munasabadda ayaa tilmaamay in  Xildhibaan Khadiijo Maxamed Diiriye ay kor u qaaday  sharafta  xubanaha barlamaanka  Soomaaliyeed, loona baahanyahay in lagu daysado.

Mudane Mahad Cabdalla Cawad  ayaa waxaa uu  gaari  uu ugu talla galay in loogu adeeggo  Carruurta ay gacanta ku hayso Jimciyadda SOHEDA ku warejiyey  Guddoomiye ku-xigeenka  SOHEDA.

Did you like this? Share it:

LEAVE A REPLY

Please enter your comment!
Please enter your name here