Casho Sharaf London Loogu Sameeyay Agaasimaha Horumarinta Iyo Xiriirka Calamiga Ee Wasaaradda Warfafinta Hidaha Iyo Dalxiiska.(Sawirro)

0
2387

Munaasabad Casho sharaf ah ayaa magaalada London ee wadanka Ingiriiska waxaa loogu sameeyay Agaasimaha Horumarinta Iyo Xariirka Caalamiga ah ee Wasaarada Warfaafinta Xukuumada Soomaaliya Mudane Cabdinaasir Xuseen.

Casho Sharaftan ayaa waxaa soo agaasimay shaqaalaha warbaahinta Qaranka ee wadanka Ingiriiska, iyadoo sidoo kale ay kasoo qeyb galeen Fanaaniin, Abwaano iyo marti sharaf kale, kuwaas oo Agaasimaha Horumarinta iyo Xiriirka Caalamiga ah uga mahad celiyay shaqada culus ee uu u hayo guud ahaan warbaahinta Qaranka & Wasaaradaba.

Dhinaca kale Agaasimaha warbaahinta Qaranka ee wadanka Ingiriiska Mudane Yusuf Axmed Garabey oo isagu halkaasi ka hadlay ayaa sheegay in shaqaalaha iyo madaxda warbaahinta Qaranka Soomaaliyeed gabi ahaantood ay mudan yihiin bilad sharaf, taasoo ay ku muteysteen shaqada culus ee ay u hayaan Shacabka Soomaaliyeed, isla markaana wasaaradda warfaafinta ay qeyb weyn ka qaadatay jiritaanka dowlada Soomaaliyeed iyo wacyigelinta Shacabka.

Agaasimaha Horumarinta Iyo Xariirka Caalamiga ah ee Wasaarada Warfaafinta Xukuumada Soomaaliya Mudane Cabdinaasir Xuseen ayaa ugu dambeyntii uga mahad celiyay shaqaalada warbaahinta Qaranka ee wadanka Ingiriiska iyo dadkii kasoo qeyb galay Munaasabadaasi sida sharafta leh ee ay ugu sameeyeen casho sharaftaasi, isla markaana waxaa uu ka war bixiyay Howsha Qaran ee ay Shacabka Soomaaliyeed u hayso wasaaradda Warfaafinta gaar ahaan Waaxda warbaahinta.

 

 

CN7D1139

11169040_10152750191728021_67606926_n

 

CN7D1143

 

 

CN7D1144

 

Did you like this? Share it:

LEAVE A REPLY

Please enter your comment!
Please enter your name here