Cayaartooy Guulo taariikhi ah ka soo hooyay tartanka cayaarha fudud oo kulan dhiiri gelin ah loo qabtay

Munaasabaadan oo ay soo qaban qaabisay Wasaaradda dhallinyarada iyo ciyaaraha Soomaaliyeed ayaa lagu dhiiri galinayey Ciyaartoyda Xulka Qaranka Cayaaraha fudud oo guul taariikhi ah ka soo hooyay tartan cayaaraha fudud oo dalka Djibouti 16-kii bishaan lagu qabtay, waxayna kala soo hooyden laba biladood oo dahab ah iyo kaalimo kale oo wanaagsan.

 

Munaasabadda waxaa kaloo ka qeyb galay mas’uuliyiin ka tirsan Wasaaradda ciyaaraha, Xildhibaanno, madax ka socotay maamul goboleedyada, xubno ka tirsan Cayaaraha Olombikada Soomaaliyeed iyo mas’uuliyiinta xiriirka ciyaaraha fudud.

Guddoomiye ku-xigeenka Guddiga Olombikada Soomaaliyeed Faadumo Cali Nuur iyo Xildhibaan Cabdifitaax Qaasim oo Golaha Shacabka ka tirsan ayaa sheegay in ciyaartooyda da’da yar guulo loo riyaaqo inay shacabka iyo dowlada Soomaaliyeed usoo hoyeen.

Wasiirka dhallinyarada iyo ciyaaraha ee Xukuumaadda Soomaalia Qadiijo Maxamed Diiriye ayaa sheegtay in madaxda dowladda Soomaaliyeed ay ku soo bogaadiyeen Wasaaradda dhallinyarada iyo ciyaaraha iyo xiriirka ciyaaraha fudud guusha ciyaartowda Soomaaliyeed ee guusha tartankii cayaaraha fudud ee lagu qabtay dalka Jamhuuriyadda Djibouti.

Ciyaartoyda Xulka Qaranka Cayaaraha Fudud ayaa guul taariikhi ah kasoo hooyay tartanka cayaaraha Fudud oo dalka Djibouti lagu qabtay, waxayna kala soo hooydeen laba biladood oo dahab ah iyo kaalimo kale oo wanaagsan. ciyaaro kale oo caalami ah ayaana lagu wadaa iney uga qeyb galaan dalal kale oo caalamka ah

Did you like this? Share it:

LEAVE A REPLY

Please enter your comment!
Please enter your name here