Cayaartooyda da’yarta oo xalay loo sameeyay xaflad soo dhaweyn ah “SAWIRRO”

Wasiiro, Xildhibaanno ka tirsan dowlada federaalka ah ee Soomaaliya, Gudoomiyaasha Barlamaanada  Galmudug, Jubbaland, Koonfurgalbeed, maamulka gobolka benaadir Fanaanin, ururrada bulshada rayidka iyo marti sharaf kale ayaa ka qeyb galay munaasabad lagu soo dhaweynayay cayaartoyda 11 jirada ee ka qeyb galayey tartanka Dugsiyada Jaamacada carabta ee ka dhacay dalka Qatar.

Sugaan ka hadleysa qiimaha ay leedahay Waddaniyadda ayaa lagu soo bandhigay munaasabada, iyadoo Guddoomiyaasha Barlamaanada  Galmudug,  Jubaland, iyo Koonfurgalbeed oo halkaasi ka hadlay ayaa waxa ay sheegen in xiligan loo baahanyahay in si wada jir ah looga qeyb qaato dhiiri gelinta ubadka yar, isla markaana laga wada shaqeeyo horumarka dalka.

Guddoomiyaha  gobalka Banaadir ahna Duqa magaalada Muqdisho Yuusuf Xuseen Jimcale Madale ayaa sheegay in uu bilowday kacdoonka lagu horumarinayo Muqdisho , isagoo intaa ku daray in dowladda Hoose ee Xamar ay u qorsheysay Da’yarta Ciyaartoyda 11 Jirada in laga dhigo cayaartooyda kooxda dowladda Hoose.

Wasiirka dhalinyarada iyo Cayaaraha ee Xukumada Soomaaliya  Maxamed Cabdulaahi Nuux ayaa ku booriyay in la taageero ololaha lagu doonayo in lagu horumariyo Nabadda iyo isboortiga.

Wasiirka Howlaha Guud iyo dib udhiska Dalka ee Dowlada Soomaaliya Eng, Saalax Sheekh Cusmaan oo kamid ah mas’uulinti munaasabadda ka hadlay ayaa sheegay in da’yarta 11 jirada ay astaan qaran u yihiin Umudda Soomaaliyed.

Cabdirisaaq Maxanmed Cabdullaahi iyo Cismaan Salaad Cabdi oo ka mid ah cayaartoyda 11 jirada ee soo jiitay quluubta Ummadda Soomaaliyed  ayaa tilmaamay inay aad ugu faraxsanyihiin habmaamuuska qaran ee loo sameeyay.

FB_IMG_1455862381993 FB_IMG_1455862391253 FB_IMG_1455862395816 FB_IMG_1455862399501 FB_IMG_1455862412445 FB_IMG_1455862425098 FB_IMG_1455862428866 FB_IMG_1455862435045 FB_IMG_1455862438561 FB_IMG_1455862447508 FB_IMG_1455862451621 FB_IMG_1455862454988

LEAVE A REPLY

Please enter your comment!
Please enter your name here