Cayaartooyda Xulka Qaranka oo kulan qado ah loo sameeyay “SAWIRRO”

Xafladan qado sharafta ee lagu sagootinayey ciyartooyda xulka Qaranka Soomaliyed ee kubadda cagta oo ay soo qaban qaabiyeyn mas’uliyiinta xirirka kubadda cagta ayaa waxaa kasoo qeybgalay Wasiirka arimaha gudaha iyo federaalka, Wasiirka dhallinyarada iyo cayaaraha, mas’uuliyiinta Guddiga Olombikada Soomaaliyeed GOS, Ciyaartoyda xulka Qaranka iyo marti sharaf kale.

Cabdiqani Saciid Carab Guddoomiyaha xiriirka kubadda cagta oo ugu horeyn xafladda ka hadlay ayaa sharaxaad ka bixiyay sababta keenta in cayaartooyda Xulka Qarnaka oo la cayaari doono Xulka Niger ay hooy ahaan ugu cayaaraan dalka Ethiopia.

“Maadaama dalkeena uusan lahayn garoomada kubadda cagta ah sharciyo caalami ah, oo ay ka midtahay in kuraasta ay lahaadaan nambaro, in si toos ah looga tebiyo gudaha dalka iyo dibadiisa, laakiin anigu waan qaban karnaa, waana leenahay aqoonteeda, balse sharciyada caalamka uga degsan xagga garoonka ayaa keeneysa in sanadkan aan Home ahaan dalka Ethiopia ku qaabilno xulka Niger”

Wasiirka dhallinyarada iyo cayaaraha Mudane Maxed Cabdullaahi Xasan Nuux ayaa cayaartooyda Xulka Qaranka u sheegay in Madaxda Qaranka ay u heelanyihiin iney garab istaagaan, iyaguna looga fadhiyo inay ka soo dhalaalaan howlaha ay Qaranka u hayaan.

“Waxaad ogaataan in madaxda dowladda ay idiin heylanyihiin, taasna waa in cayaaryahan walba oo idinka mid ah uu la yimaado karti iyo hufnaana,muujisaan waana taan idinka rajeynayo”ayuu yiri Wasiirka Dhallinyarada iyo cayaaraha.

Wasiirka arimaha gudaha iyo Federaalka C/rixmaan Maxamed Xuseen Odawaa ayaa xulka Qaranka ku booriyey iney isku duubni muujiyaan si ay u difaacaan sumcadda Qaranka Soomaaliyeed

“Waxaaa la idinka rabaa in aad u cayaartaan si wanaagsan oo aad ogaataan mas’uuliyadda idin saaran oo aysan ahayn mid hal shaqsi oo kaliya, haddii la idinka badiyo waxaa laga badiyay Qaranka Soomaaliyeed, marka guta waajibaadka la idinka  sugayo” ayuu yiri Wasiir Odowaa.

Cayaartooyda xulka Qaranka ayaa lagu wadaa in Talaadada u amba baxaan dalka Ethiopia, halkaasi oo muddo bil ah tababar ku qaadan doonaan, si ay ugu diyaar garoobaan lugta koowaad ee isreeb reebka koobka adduunka oo ay 9-ka bisha October wajihi doonaan Xulka Niger.

vlcsnap-201476 vlcsnap-201653 vlcsnap-202120 vlcsnap-202374 vlcsnap-202854 vlcsnap-202965 vlcsnap-203078 vlcsnap-203359 vlcsnap-203712 vlcsnap-203855 vlcsnap-204133 vlcsnap-204328 vlcsnap-204604 vlcsnap-204766 vlcsnap-204912 vlcsnap-205541 vlcsnap-205677 vlcsnap-205771 vlcsnap-205944 vlcsnap-206204 vlcsnap-206282 vlcsnap-206421 vlcsnap-206490 vlcsnap-206672 vlcsnap-207142 vlcsnap-207454 vlcsnap-207651 vlcsnap-207843 vlcsnap-207978 vlcsnap-208028 vlcsnap-208122 vlcsnap-208554 vlcsnap-208709

LEAVE A REPLY

Please enter your comment!
Please enter your name here