Ceel biyood laga hirgeliyay deegaanka Laasa Cadale ee gobolka Mudug

Deegaanka Laasa Cadale, oo qiyaastii 20km dhanka bari kaga toosan magaalada Gaalkacyo ayaa waxaa laga hirgeliyay ceel biyoodkii ugu horeeyay, xilli dadka deegaanka ka cabanayeen biyo yari.

Ceel biyoodka ayaa leh matoor biyaha ka soo saara ceelka, kaas oo danabka uu ku shaqeeyo ka heleya ileyska cadceeda, oo soolaro waa weyn lagu xiriiriyay.

Hey’adda General Service Agency oo loo soo gaabiyo G.S.A ayaa fuliyay mashruuca ceelkan, C/laahi Cumar Kaahiye, oo kamid ah mas’uuliyiinta hey’adda ayaa warbaahinta u sheegay in fulinta mashruucan hey’adda G.S.A la kaashatay hey’adda UNOCHA.

Guddoomiyaha, degmada Gaalkacyo ee maamulka GalMudug, Xirsi Yuusuf Barre, oo xariga ka jaray ceelka ayaa u mahadceliyay hey’addii ka shaqeysay hirgelinta ceel biyoodka. Waxaa uu intaas ku daray in deegaanka uu baahi weyn u qabay in laga taageero helitaanka biyo ku filan.

Guddoomiyaha ayaa dadka deegaanka ku adkeeyay in ay ilaashadaan mashaariicda deegaanka laga hirgeliyay oo ceelkan uu kamid yahay.

Axmed C/laahi Cilmi (Goownax), oo ah guddoomiyaha deegaanka Laasa Cadale, ayaa tilmaamay in mashruucan uu yahay mid ku soo aaday xilligii loogu baahi badnaa, isagoo mahad u celiyay dadkii ka soo shaqeeyay mashruucan.

LEAVE A REPLY

Please enter your comment!
Please enter your name here