Ciiamada ammaanka ee Galmudug oo gacanta ku dhigay maleeshiyaad jidgooyo dhiganayay

Ciidamada ammaanka ee Dowlad goboleedka Galmudug ayaa howlgallo ay ka sameeyeen wadada u dhexeysa Gelinsoor iyo Gaalkacyo ku soo qab qabtay maleeshiyaad jidgooyin halkaasi dhiganayay.

Howlgallada ciidamada amniga ay wadada ka sameeyeen ayaa ahaa mid looga gol’leeyahay sidii looga hortagi lahaa maleeshiyaadka dhibaateynaya dadka iyo gaadiidka ee isticmaala wadada u dhexeysa Gaalkacyo iyo Gelinsoor, taasi oo kal hore ay shacabka ka codsadeen in maamulka uu arrimahaasi wax ka qabto.

Wariyaha Warbaahinta Qaranka ee Gobolka Mudug Cabdirisaaq Maxamed Axmed ayaa ku soo waramaya in maleeshiyaadka la xiray lala xisaabtami doono, si looga hortago dhibta ay bulshada ku hayeen, iyadoo haatan wadadaasi ay tahay mid si nabad ah ay shacabka u mari karaan.

 

LEAVE A REPLY

Please enter your comment!
Please enter your name here