Ciidamada Ammaanka ee Jubbaland oo fashiliyay miino argagixisadu dooneysay inay ku dhibaateeyaan bulshada

Ciidanka Hay’adda Nabad Sugidda iyo Sirdoonka Jubbaland ayaa gacanta ku dhigay miino ay doonayeen maleeshiyada argagixisadda Al-Shabaab in ay ku dhibaateyaan dadka shacabka ah ee ku nool magaalada Kismaayo, gaar ahaan xaafadda Farjanno Waaxda Kuuba, halkaasi oo ay ciidanka ka soo qabteen miinadan.

Ciidanka oo kaashanaya shacabka magaalada Kismaayo ayaa ku guuleystay in ay ka hor tagaan dhagarta Cadawga oo doonaya inay dhibaateeyaan shacabka.

12ka bishii May isla sanadkan ayay ciidanka fashiliyeen Miino ay argagixisada ku xireen gaari uu lahaa mid ka mid ah muwaadiniinta ku nool Kismaayo.

Ma jirto cid loo soo qabtay falka miinada lagu fashiliyay, waxaana ay ciidamada wadaan howlgallo lagu xoojinayo Nabadgelyada.

LEAVE A REPLY

Please enter your comment!
Please enter your name here