Ciidamada ammaanka ee Puntland oo gacanta ku dhigay Maleeshiyaad ka tirsan Al-Shabaab “SAWIRRO”

Ciidanka ammaanka ee Puntland ayaa wali daba socda soo qabashada maleeshiyadii xalay weerartay jeelka wayn ee Boosaaso.

Argagixisada Al-Shabaab oo ku dhuumaalaysanaysa magaalada hareeraheeda ayaa ciidamada dufaaca ku guuleystay soo qabashada qaar ka mid ah maleeshiyada Al-Shabaab ee xalay weerarka xabsiga ka dambeysay.

Dhinaca kale Madaxweynaha Dowlad goboleedka  Puntland  Mudane Siciid Cabdullaahi Deni, oo galabta  gaaray magaaladda Boosaaso ee xarunta Gobolka Bari, ayaa kulamo la qaatay saraakiisha ciidamada qalabka sida.

“Madaxweynaha Safarkiisa waa mid shaqo, wuxuuna la xiriira u kuurgelidda xaaladda amni ee magaalada iyo guud ahaan Gobolka, isagoo kulamo la qaadanaya saraakiisha Amniga iyo mas’uuliyiinta kale ee Gobolka Bari”.ayaa lagu yiri qoraal looga hadlayay socdaalka Madaxweyne Puntland.

 

LEAVE A REPLY

Please enter your comment!
Please enter your name here