Ciidamada ammaanka ee Suudaan oo lagu wareejinayo amaanka Gobolka Darfur

Howlgalka nabad ilaalinta Qaramada Midoobay ee gobalka Darfur ee dalka Suudaan, kaas oo loo yaqaan UNAMID ayaa maanta ku eg sida ay sheegtay Qaramada Midoobay.

Ciidanka dowladda Suudaan ayaa si rasmi ah loogu wareejin doonaa amaanka gobalka Darfur .

Arintan ayaa ka danbeysay kadib markii Golaha Ammaanka ee Qaramada Midoobay ay isku raaceen 22 December in UNAMID la soo afjaro.

Bishii October waxaa heshiis gaaray labo kooxood oo gobalka Darfur ka waday halgan hubeysan iyo dowladda Suudaan

Laga bilaabo 1 Janaayo 2021 waxaa bilaabanayo waqtiga kala guurka oo qaadan doona 6 bilood, waxaana dhamaan shaqaalaha rayidka iyo ciidanka nabad ilaalinta ee UNAMID ay Suudaan ka baxayaan bisha June ee 2021.

Howlgalka wada jirka ah ee Qaramada Midoobay iyo Midowga Afrika ee Darfur wuxuu bilowday 31 July sanadkii 2007 kadib markii golaha Ammaanka isku raacay qaraar tirsigiisu ahaa 1769.

LEAVE A REPLY

Please enter your comment!
Please enter your name here