Ciidamada Ammaanka Oo Fashiliyay Isku Day UGUS Ay Ku Doonayeen In Ay Ku Weeraraan Xarunta Shirka Cadaado Uu Ka Socdo

1
1748

Ciidamada Ammaanka ku sugan degmada Cadaado ee gobolka Galgaduud ayaa fashiliyay isku day maleeshiyaadka argagaxisada UGUS ay ku doonayeen in ay ku dhibaateeyaan ergada ku shirsan Cadaado iyagoo  ku hungoobay in qaraxyo ay ka geystaan xarunta shirka maamul u sameynta gobolada dhexe uu ka socda ee halkaasi.

Ciidamada oo aad u feejigan ayaa ka hortagay isku day ay ku doonayeen UGUS falalka looga bartay, waxaana ugu horeyn ciidamada ay joojiyeen gaari Surf ah oo diiday in uu istaago kaddibna ciidamada si dhaqse ah ay kaga hortageen gaariga oo xabada huwiyay kaddibna uu is qarxiyay, waxaana xiligaasi kaddib tiro dhagar qabayaal ah weerar naf la caarinimo ay ku soo qaadeen halka lagu fashilayay gaariga qaraxa, waxaana dhagar qabayaashaasi gabi ahaantoodaba ciidamadu ay ku toogteen halkaasi, iyagoo wax qasaara ah aan geysan.

Xaliimo Ismaaciil Yarey oo ah Guddoomiyaha guddiga farsamada maamul u sameynta mudug iyo galgaduud ayaa inoo sheegtay in wax soo gaaray aysan jirin xubnaha ka qeyb galaya shirka ee ergada ah ayna fashiliyeen ciidamada weerarkaasi dhicisow.

Maleeshiyaadka Gumaadka Umadda Soomaaliyeed ee UGUS ayaa Ciidamada Qalabka sida waxay wiiqeen awoodoodii, iyagoo ku beegsanaya magaalooyinka iyo deegaannada howdka ah ee dalka, waxaana jabka soo gaaray kooxda ay cara kala dul dhacaan dadka shacabka oo ay beegsanayaan maadaama aysan u babac dhigi Karin awoodooda ciidamada.

Did you like this? Share it:

1 COMMENT

  1. waxaa illaaheey mahadiis ah in ay fashilantay weerarki waxshinimada ahaay ee ay sooqaadeen cadawgga ummadda soomaaliyeed magackastoow leeyahay.
    waxaa sharaf iyo iyo bogaadin mudan ciidanka ilaalada ka ahaay goobta shirku ka socday oo si taxadar leh waardiyaha u adkeeyay waxaana illaaheey uga baryeynaa inoow ka dhigo kuwo wadankooda iyo shacabkooda ow ka dugsado cadawga aan nabada u ogolayn.

    dowladu way dadaashay waxaase waajib ah in il dheer loo yeesho shirka ka socdo gobalada dhexe lana adkeeyo amaankiisa oo waliba waxaan arkaa in magaalada cadaado oo dhan waardiyo laga qabto, waayo waxaa indheer garadka soomaaliyeed isku raaceen in hadii nabada iyo maamul u sameeynta gobalada dhexe lagu guuleeysto in soomaaliyo waa nabadeed u baryi doono waayo waa beelo soomaaliyeed oo dhowr qabiil ka kooban oo si walaalnimo ah isu horfadhiistay dadaal dheerna u galay in ay soo noqoto midnimadi ummadda soomaaliyeed,
    marka si aan dadaalkaasi u fashilmin waa in dowlada iyo dadka degen gobalada dhexeba ay si xoog leh u adkeeyaan amaanka goobta howshaas muhiimka ah ka socoto, waana in aan nabad diidka kaliya layska ilaalin ee la ogaado ineey jiraan qolooyin aan shirkaasi dani ugu jirin,waxeeyna ila tahay qolada harka cad weerarka ku qabsatay magaalamadaxdi gobalada dhexe waa dhuusamareebe inaysan aheeyn kuwo ku fikir ah ummadda isugu timid shirka gobalada dhexe sidaas darteed cadawgu nabad diidka la yaqaan iyo kuwo qarsoonba waa leeyihiin ee waa in dadka gobolada dhexe dagaahi ay ogaadaan hagarta lala rabo waayo qolada ay ka soo fushay in ay maanta xasuuqaan boqolaalka nabadoono iyo intii hormuudka u aheed gobolada dhexe waa cadaw idiin qarsoon ee sameeysta difaac aan habeen iyo maalin toona seexan illaaheeyna dadaalkiina haku dhameeyo nabad midnimo iyo maamul u horseedo ummadda soomaaliyeed barwaaqo iyo israac.

LEAVE A REPLY

Please enter your comment!
Please enter your name here