Ciidamada ammaanka oo ka hortagay Gaari siday walxaha qarxa

0
694

Ciidamada ammaanka ee Dowladda Federaalka Soomaaliya ayaa ka hor tagay Gaari Miineysan oo ay dhagar qabayaasha Al-Shabaab doonayeen inay ku waxyeelleeyaan Shacabka ku dhaqan Magalada Muqdisho.

Gaarigan oo ahaa nooca raaxada ayaa ku socday waddo qarda-jeex ah oo u dhexeysa degaanka Siinka dheer ee Gobolka Shabeellada hoose iyo Degmada Kaxda ee Gobolka Banaadir.

Sarkaal ka tirsan hay’adaha ammaanka ayaa SONNA u sheegay in Gaarigani ay ku raad-joogeen Ciidanka ka how-gala Siinka-dheer, taasoo suurto gelisay inay Gacanta ku dhigaan laamaha ammaanka.

Sarkaalkan ayaa intaa ku daray inuu qaraxu dhacay xilli ay Ciidanka ammaanka ay ku gudo jireen baarista Gaarigan laga soo buuxiyay walxaha qarxa, iyadoo halkaasi uu ku dhintay dhagar qabihii waday Gaarigaasi.

Ciidamada ammaanka ee ka howl-gala duleedyada Magaalada Muqdisho oo had iyo jeer u taaga difaaca Shacabka Soomaaliyeed ayaa sidan oo kale waxay marar badan ka hor tageen weerarro iyo qaraxyo ay soo maleegeen kooxaha argagixisada Al-shabaab.

Did you like this? Share it:

LEAVE A REPLY

Please enter your comment!
Please enter your name here