Ciidamada amniga oo howlgal ka wada degmada Hobyo “SAWIRRO”

Ciidamada Amniga ayaa howlgal ballaaran ka sameeyay Degmada Hobyo ee Gobolka Mudug oo uu maalmahanba ku sugnaa Madaxweynaha Galmudug Mudane Axmed Cabdi Kaariye “ Qoor Qoor” iyo mas’uuliyiin kale.

Ciidamadan oo isugu jira xoogga Dalka Qaybta 21-aad , kuwa Booliiska gaarka ah ee Haramcad oo ay wehliyaan ciidanka Booliiska Hobyo ayaa wada jir u fuliyay howlgalkan oo lagu baarayo Gaadiidka Dadwaynaha, Guriyaha laga shakiyo iyo goobo bartilmaameed u ah howlgalkan.

Saraakiisha Amniga ayaa sheegay in ay jiraan tuhuno amni oo muujinaya Qorshayaal maleeshiyada Al-Shabaab ku doonayaan fulinta weeraro qaraxyo ah oo ay ka fuliyaan Galmudug .

Howlgalkan ayaa ku soo beegmaya xilli ciidamada Qaybta 21-aad ay aroornimadii saakay fashiliyeen weeraro ismiidaamin ah oo lagu qaadey xerada Bacaadweyne oo ka tirsan Degmada Hobyo, sidoo kalena ciidamadu Howlgal qorsheysan oo Gaalkacyo ka dhacey waxay ku qabteen Gaari waxyaabaha qarxa lagu soo rakibay iyo shaqsigii wadaha ka ahaa.

Maleeshiyada argagaxisada Al-Shabaab ayaa caadeystay iney si micno daro ah ku daadiyaan dhiiga shacabka Soomaaliyeed, waxayna ciidanka xoogga dalka markasta u taagan yihiin difaacadda Dhiiga iyo hantida muwaadinka Soomaaliyeed.

LEAVE A REPLY

Please enter your comment!
Please enter your name here