Ciidamada amniga oo howlgallo ka fuliyay degmada Baardheere

Taliska ciidamada ammaanka ee degmadda Baadheere ee Gobalka  Geddo ayaa faah faahin ka bixiyay qaraxyo ka dhacay magaalada Baardheere ee gobolka Gedo, kaasi oo lala eegtay kolonyo gaadiidka ciidamada AMISOM.

Taliyaha booliska degmada Baardheere Cabdi Sheekh Xasan oo la hadlayay Radio Muqdisho ayaa sheegay in qaraxa uu ahaa hoobiyeyaal todobo xabo ah oo ay ku aaseen jidka hareeraheeda, ujeedkuna ahaa mid ay ku bartilmaameedsanayeen ciidamada Nabadgelyada Midowga Afrika ee AMISOM.

“Qaraxyada ay jidka ku aaseen labo ka mid ah ciidamada ayaa fashiliyay oo soo bixiyay, halka todobo kale ay qarxiyeen maleeshiyaad ka tirsan Al-Shabaab oo doonayay inay ku waxyeeleeyaan ciidamada Ethiopia ee qeybta ka ah AMISOM, mana ogi qasaaraha soo gaaray ciidanka Ethiopia” ayuu yiri Cabdi Sheekh Xasan.

Taliyaha booliska degmada Baardheere ayaa tilmaamay in howlgallo ay ciidamada sameeyeen lagu soo qab qabtay tiro dad ah oo lala xiriirinayo inay ku luglahaayeen qaraxda, kuwaasi oo uu sheegay inay ku socoto baaritaanno dheeraad  ah, isagoo intaa ku daray in ciddii kiiska ay ku cadaan weyso la sii deyn doono.

 

LEAVE A REPLY

Please enter your comment!
Please enter your name here