Ciidamada Boliiska Soomaaliyeed Oo Xalay Howlgalo Ka Sameeyay Afgooye

0
1346

Ciidamada Boliiska Soomaaliyeed ayaa Xalay howlgalo ammaanka lagu xaqiijinayo waxa ay ka sameeyeen xaafadaha degmada Afgooye ee gobolka Shabeelaha hoose, iyadoo howlgalkaasi lagu soo qabtay dad la tuhunsanyahay ka mid noqoshada Kooxda UGUS.

Xaafadaha Dhagaxtuur iyo Xaawa Taako ee degmada afgooye ayaa ka mid ahaa meelaha sida aadka ah ciidamada ay kaga sameeyeen howlgalka, waxaana laga soo qabtay dad la tuhunsanyahay ka mid noqoshada argagaxisada UGUS, iyadoo howlgalkani uu daba joogay xoga laga helay dadka shacabk ah oo ku saabsan xoojinta Amniga.

Taliyaha Saldhiga Degmada Afgooye Dhame Amiin Maxamed Cusmaan oo la hadlay Radio Muqdisho ayaa sheegay in howlgalka sidii loogu talo galay uu u dhacay taasi oo qeyb ka ah amni ilaalin iyo dabagalka maleeshiyaadka naf la caariga ah ee UGUS oo suura gal ay tahay in ay ku dhuumaaleysanayaan.

Ciidamada ammaanka ee ku sugan magaalada Afgooye ayaa habeen iyo maalin u soo jeeda dabagalka maleeshiyaadka argagaxisada UGUS, waxaana dadka shacabka ee ku dhaqan magaaladaasi ee yihiin kuwa si toos ula shaqeeya hey’adaha ammaanka islamarkaana la wadaaga xoga la xiriira amniga.

 

Did you like this? Share it:

LEAVE A REPLY

Please enter your comment!
Please enter your name here