Ciidamada ilaalada madaxtooyada Turkiga oo la kala dirayo

0
5921

Wixii ka dambeeyey markii uu fashilmay afgambigii dalka Turkiga waxaa la xiray ilaa iyo 300 oo ka tirsana ciidamada ilaalada madaxtooyada Turkiga, waxaana hadda soo baxaya warar sheegaya in la kala dirayo ciidamadaasi dhamaantood.

R/wasaaraha Turkiga Binali Yildirim ayaa sheegay in ciidamadan aan iminka loo baahneyn, isagoo intaasi ku daray in tiro ahaan ay dhan yihiin ilaa iyo labo kun oo askari.

In la kala diro ciidamada ilaalada madaxtooyada Turkiga waxa ay muujineysaa sida dowladda Turkigu ay uga jawaabeyso afgambigii fashilmay oo loo xir xiray saraakiil sar sare oo ka tirsan dowladda Turkiga.

Turkigu waxa uu ku eedeeyey abaabulka afgambigaasi wadaadka Fatxullah Gulen oo daggan dalka Mareykanka.

Dowladda oo arintaasi ka fal celineysana waxa ay xirtay wiil uu adeer u yahay wadaadkaasi, kaas oo dowladda Turkiga ay la xiriirisay in uu qeyb ka ahaa qorshaha afgambiga.

 

Did you like this? Share it:

LEAVE A REPLY

Please enter your comment!
Please enter your name here