Ciidamada Israa’iil oo waxyeello gaarsiiyay Falastiiniyiin ku sugan Qudus

0
1917

Ilaa 20-ruux ayaa saakay dhaawacmay,kadib kolkii ciidamada Israa’iil ay ku fureen rasaas nool nool dad Falastiiniyiin ah oo banaanbax ashtako ah ka dhigayey Bariga magaalada Qudus.

Ciidamada Israeli ,ayaa sidoo kale sunta dadka ka ilmeysiisa ku kala ceyriyay kumanaan qof oo Falastiiniyiin ah oo saakay isugu tagay halkaasi,isla markaana cabasho ka ah safaaradda Mareykanka oo ka Furanayo Qudus.

Bannaanbaxa maanta ayaa yimid,iyadoo ay socdaan xusas baroordiiq sanadle ah oo lagu magacaabo Nakba oo ah xilligii Israa’iil sanadkii 1948-dii ay ku dhawaaqday dal u madaxbannaan ,isla markaana ay bilowday barakicinta dadka reer Falastiin.

Dibadbaxyada Falastiin ayaa Ah kuwa looga soo horjeedo tallaabada Mareykanka ay ku doonayaan in ay safaaradooda ugu soo raraan magaalada Qudus.

Did you like this? Share it:

LEAVE A REPLY

Please enter your comment!
Please enter your name here