Ciidamada Jubbaland oo iska caabiyay weerar uga yimid Al-Shabaab

Warar kala duwan ayaa ka soo baxaya dagaal u dhaxeeyay ciidamada dowlad goboleedka Jubbaland iyo Al-Shabaab oo saacadihii la soo dhaafay ka dhacay qeybo ka mid ah gobolka Jubbada Hoose ee koonfurta Soomaaliya.

Dagaalka oo ahaa mid culus ayaa ka dhacay deegaanka Buulo-Gaduud oo 35 KM u jira magaallo xeebeedka Kismaayo ee xarunta maamulkaasi, wuxuuna yimid kadib markii weerar dhabo gal ah oo loo adeegsaday qarax miino lagu qaaday ciidamo ka tirsan kuwa daraawiishta Jubbaland oo ku socdaalayey halkaasi.

Wararka ayaa sheegaya in qaraxa kadib uu iska hor imaad toos ah uu dhexmaray labada dhinac uu ka dhacay deegaankaasi, kaas oo muddo saacado ah socday.

Saraakiil ka tirsan Jubbaland oo la hadlay warbaahinta ayaa sheegay inay iska difaaceen weerarka uga yimid Al-Shabaab, islamarkaana ay khasaare isugu jira dhimasho iyo dhaawac ay ku gaarsiiyeen, inkastoo aysan shaacin tiro ahaan.

Ciidamada Jubbaland oo kaashanaya kuwa dowladda ayaa haatan lagu soo warramayaa inay dhaq-dhaqaaqyo ka bilaabeen qeybo badan oo ka mid ah gobolka Jubbada Hoose

LEAVE A REPLY

Please enter your comment!
Please enter your name here