Ciidamada Kenya oo fashiliyay weerar ay maleegayeen Al-Shabaab

Ciidanka Boliiska Dalka Kenya ayaa Gacanta ku dhigay Hub ,walxaha qarxa iyo qaar ka mid ah Raggii watay oo la sheegay inay ka tirsan yihiin Ururka Al-Shabaab.

Taliyaha ciidanka Booliska kenya Joseph Boinne ayaa sheegay inay qalabkani kusoo qabteen howl-gallo ballaaran oo ka dhacay Hoteel ku yaalla Magaalada Nairobi iyo degaanka Merti oo ka tirsan Gobolka Isiolo, isagoo sheegay in Gaadhiga waday uu ahaa mid diiwaan gashan.

Ciidanka Booliska Kenya ayaa sidoo kale gacanta ku dhigay Aaladaha laga sameeya walxaha qarxa,Shan Qoryaha AK 47 ah, 1,099 Rasaas ah ,36 Qasnadood oo buuxa iyo qalab kale.

Joseph Boinne ayaa xusay in Hubka ay soo qabteen ay ku jiraan 80-Kg oo ah maadada qaraxda ee TNT loo yaqaano taasoo uu tilmaamay haddii qarax loo adeegsan lahaa ay galaafan lahayd nolosha Boqolaal shacab ah, sidoo kalena ay bur burin laheyd dhismayaal badan.

Ciidamada Boliiska ayaa xabsiga dhigay ,Cabdi majiid Aadan, oo 24 jir ah, iyo Maxamed Nane , markii lala xiriiriyay inay ka dambeeyeen weerarkan fashilmay, waxanay howl wadeennada Hoteelka ay jiifeen oo kasoo horjeeda Saldhigga Booliska Nairobi u sheegeen laamaha ammaanka inay raggani dhawaan u safreen degaanka uu howl-galku ka dhacay ee Merti oo ka tirsan Isiolo.

Isha/ Daily Nation

Did you like this? Share it:

LEAVE A REPLY

Please enter your comment!
Please enter your name here