Ciidamada Kumaandooska oo howlgallo ka fuliyay deegaanno ka tirsan Jubbooyinka

2533

Howlgalkan ay qaadeen ciidamada kumaandooska Soomaaliya ayaa waxa uu ka dhacay deegaanno dhowr ah oo ka tirsan Jubbooyinka, iyadoo howlgalkii u dambeeyay uu dhacay xalay saqdii dhexe markii ay ciidamada duulaan ku qaadeen tuulada Janaa Cabdalle oo dhinaca galbeeed qiyaastii 60km kaga began Kismaayo, markii ay halkaasi ciidanka gaareen waxaa isaga firxaday kooxihii horey u jooay ee UGUS.

Sidoo kale ciidanka Soomaaliyeed ayaa gudaha u galay habeeno ka hor tuulada Kamsuuma, halkaasna waxa lagu soo waramayaa in ay isaga baxeen kooxda Shabaab iyadoo sidoo kale ciidanka galeen dagmada Jilib ee gobolka Jubada Dhexe halkaas waxaa ka dhacay iska hor imaad, waxaana kooxda Shabaab halkaasi looga gubay laba gaari oo nooca dagaalka ah halka sideed kalena looga dilay halkaasi

Afhayeenka laamaha amniga Jubbaland Sayid Axmed Maxamed Maxamuud “Axmed Carab” ayaa sheegay in howlgalkan ay qaadeen ciidanka kumaandooska dalka ee ka dhacay Jubbooyinka uu ahaa mid looga go’leeyahay sidii guud ahaan Jubbooyinka looga sifeyn lahaa.

Howlgaladan ayaa kusoo beegmaya waqti ay socdaan dhaqaaqyo ciidan oo ka jira magalada Kismaayo si loo xoreeyo deegaannada fara ku tiriska ee ay gacanta ku hayaan kooxdaasi.

Did you like this? Share it:

LEAVE A REPLY

Please enter your comment!
Please enter your name here