Ciidamada NISA Oo Gacan Ku Dhiigle Yaaqshiid Ku Dilay Garsoore Soo Bandhigtay “Sawirro”

0
3910

Ciidammada Hey’adda Nabad sugida iyo Sirdoonka Qaranka Soomaaliya ee NISA ayaa gacanta ku soo dhigay Dhagar qabe gacan ku dhiigle ah oo xalay degmada Yaaqshiid ku dilay garsoore lagu magacaabo Macallin Abshir.

Afhayeenka Wasaaradda Amniga Gudaha Maxamed Yuusuf Cismaan, ayaa sheegay in dadka deegaanku ay ciidammada ammaanka gacan ka siiyeen soo qabashada gacan ku dhiiglahan oo isku dayay in uu baxsado.

Afhayeenka Wasaaradda Amniga gudaha ayaa sheegay dhagar qabaha la soo qabtay oo ahaa  gacan ku dhiigle ka tirsan kooxda UGUS  islamarkaana dilal fara badan u geystay muwaadin Soomaaliyed,  iyadoo soo qaba shadiisa ay gacan ka geysteen shacabka ku nool degmada Yaaqshid  waxuuna kooxda  UGUS  ugu u qaabilsanay degmooyinka Deynile iyo Yaaqshid halkaasi oo ku dhibaateyn jiray dad shacabka oo aan waxba galabsan.

Hey’adaha ammaanka ayaa magaalada Muqdisho ka wada howlgalo isdaba joog oo lagu baacsanayo maleeshiyaadka Gumaadka umadda Soomaaliyeed oo ku dhuumaaleysanaya xaafadaha magaalada Muqdisho, iyadoo howlgaladaasi laga gaaray ahdaaftii laga lahaa oo eheyd in la soo qabto horjoogayaal iyo maleeshiyaad ka tirsan UGUS, waxaana xusid mudan in dadka shacabka ay la shaqeeyaan Hey’adaha ammaana kuwaa oo suura galiya xogaha qaar ay hesho NISA.

11118737_10203019739054626_598660426_n 11128420_10203019738894622_1286462882_n 11198802_10203019738934623_1807759282_n 11208867_10203019739014625_769273098_n 11216125_10203019738854621_1602115053_n 11216274_10203019738974624_884479679_n 11225656_10203019738774619_25104054_n

Did you like this? Share it:

LEAVE A REPLY

Please enter your comment!
Please enter your name here