Ciidamada Siiriya oo kooxda Daacish kala wareegay magaalada Palmyra

Ciidamada dowladda Siiriya ayaa si buuxda ula wareegay magaalaa taariikhiga ah ee Palmyra, kaddib markii ay ka saareen maleeshiyaadka kooxda Daacish.

Habeennimadi xalay ayaa lagu soo waramayaa in ciidamada Siiriya ay si buuxda ula wareegeen magaaladaasi Palmyra kaddib markii weerarro dheeraad ah ay ciidamada Siiriya ay maalmihii ugu dambeeysay ku qaadeen magaaladaasi kuwaasoo gacan ka helayaa ciidamada Ruushka oo dhinaca hawada ka duqeeynaya.

Kooxda Daacish ayaa magaaladaasi gacanta ku dhigay bishii May ee sanadka 2015, iyagoo bur-buriyay inta badan sanamyadii taariikhiga ahaa ee magaaladaasi caanka ku aheyd.

Todobaad ka hor ayeey aheyd markii kooxda Daacish ay ku amreen shacabka ku nool magaaladaasi in ay isaga barakacaan kaddib markii ay u caddaatey in ay ciidamada Siiriya ay si awood ah kula wareegayaan magaaladaasi.

Ciidamada Siiriya oo ay dhinaca cirka ka caawinayaan ciidamada Ruushka ayaa hore ula wareegay deegaanno dhowr ah oo ay ku sugnaayeen kooxda loo yaqaano Free Syrian Army. iyo kuwa Daacish.

 

LEAVE A REPLY

Please enter your comment!
Please enter your name here