Ciidamada Xoogga dalka oo fashiliyay Qarax gaari oo la doonayay in lagu dhibaateeyo Shacabka+Sawirro

Ciidamada Xoogga dalka ayaa fashiliyay Qarax gaari Hoomey lagu soo raray oo argagixisadu ay la damacsanaayeen iney ku dhibaateeyaan Shacabka Soomaaliyeed gaar ahaan dadka ku dhaqan Muqdisho,kaas oo ay ciidanka kaga hortageen deegaanka Xaawo Cabdi ee duleedka Muqdisho.

 

Ciidamada oo helay Xog ku aadan Gaariga Qaraxa sidaY ayaa joojiyay,waxaana durbadiiga gaariga ka degay darawalkii waday oo ahaa qof keliya ee gaariga waday wuxuuna ku cararay dhul hawd ah.

Gaariga ayaa ku qarxay hareerta laamniga mana jirin cid ku waxyeelloka soo gaartay, sida uu sheegay Taliyaha 12-ka Apriil ee Ciidanka Xooga Dalka Generaal Tawane Axmed Maxamed .

Taliyaha Hoggaanka howlaha Ciidamada Booliska Axmed Dayid Dhego-caleen ayaa Ciidmada Xoogga Dalka uga mahadceliyay Howlgalka ay uga hortageen gaarigaas ku qarxay deegaanka Xaawa Cabdi sidoo kale waxa uu ku booriyay in ay ka foojignaadaan dhagarta ay soo maleegaan Al-Shabaab inta lagu guda jiro Bisha Barakeysan ee Ramadaam.

Dhinaca kale taliyaha Ciidanka Booliska Soomaaliyeed Bashiir Cabdi Ameeriko oo la hadalayay Qaar ka mid ah saraakiisha Ciidamada BooliskaSoomaaliyeed ayaa kula dar daarmay in si xooggan looga shaqeeyo  baraha koontaroolada iyo saldhigyada si loo sugo amniga.