Ciidamada Xoogga dalka oo gacan ku dhigay horjoogihii Al-Shabaab u qaabilsan aruurinta lacagaha baadda ah iyo maleeshiyaad kale

Howlgalo baaritaanno ah oo ay degaanka Janaale iyo nawaaxigiisa ay ka sameeyeen ciidamadda Kumaandooska xoogga dalka ayaa waxay kusoo qabteen horjoogihii Maleeshiyaadka Al-Shabaab u qaabilsanaa waxa ay ugu yeeraan sakawaatka ama lacagaha baadda ah oo ay ka qaadaan dadka masaakiinta ah ee Gobolka Shabeelaha hoose iyo 7-maleeshiyaad ah oo lasocday.

Horjoogaha laqabtay ayaa lagu magacaabaa Maxamuud Yuusuf oo magaca afgarashadiisa loo yaqaan “Maansuur” kaasi oo hada ay ku socdaan baaritaano dheeraad ah isaga iyo maleeshiyaadkii lasocday

Taliyaha Ciidanka Dhulka Xoogga Dalka Soomaaliyeed Sareeyo Guuto Cabdixamiid Maxamed Dirir oo lahadlay Idaacadda Ciidamada Qalabka Sida ayaa sheegay ciidanka xoogga dalka ay Janaale iyo degaannada hoosyimaado ka wadaan howlgallo baaritaano ah oo ay ku xaqiijinayaan ammaanka, taasi oo suuragalisay in gacanta lagu soo dhigo horjooge Maxamed Yuusuf Maansuur oo ahaa madaxii argagixisada Al-Shabaab u qaabilsanaa arraarinta lacagaha baadda dadka rayidka ah uga qaadi jiray.

Ciidamada oo dhawaan la wareegay gacan ku heynta amniga deegaanka Janaale ayaa ku guuleystay inay gacanta ku dhigaan horjoogaha iyo maleeshiyaadkii la socday.

 

 

LEAVE A REPLY

Please enter your comment!
Please enter your name here