Ciidamada Xoogga oo gacanta ku dhigay horjoogihii Al-Shabaab ee Jannaale

Ciidamada Xoogga Dalka Soomaaliyeed ayaa Howl-gal ay Xalay ka sameeyeen gudaha deegaanka Jannaale ee gobalka Shabeellaha Hoose, ayaa waxa ay gacanta ku dhigeen horjoogihii kooxka nabadiidka Al-Shabaab u qaabilsanaa saldhiga deegaanka Jannaale ka dib markii ay shacabka soo gudbiyeen xogtiisa.

Dhagar-qabahaan gacanta lagu dhigay ayaa magaciisa lagu sheegay Abuukar Xasan Samoow, waxaana uu ka mid ahaa horjoogayaasha farakutiriska ee ku dhuumaaleysan jiray deeganka.

Ciidamada Xooga Dalka Soomaaliyeed ayaa dhawaan gacanta ku dhigay deegaanka Jannaale iyo sidoo kale deegaano iyo Degmooyinka ka tirsan Gobolka Shabeelaha Hoose.

Dhinaca kale Ciidamada Xooga Dalka ayaa dadka ku nool Jannaale u qeybiyay raashin kuwaasi oo laga dulqaadayay dhibaatooyinkii ay ku hayeen kooxda-Al-Shabaab.

Halkaan ka dhageyso Xaaladihii ugu dambeeyay Deegaanka Jannaale Wareysi Wariyaheyna Cabdiwaaxid ibraahim Geedi.

LEAVE A REPLY

Please enter your comment!
Please enter your name here