Ciidamada Xoogga Dalka oo Gobalka Hiiraan ku laayay Maleeshiyad ka tirsan Al-shabaab.

Maamulka degmada Jalalaqsi ee Gobolka Hiiraan ayaa sheegay in howlgal ay ciidanka Xoogga Dalku ay ka sameeyeen wadada u dhaxeysa Buulo Burde iyo Jalalaqsi ay ku dileen 20 ka tirsan kooxda  Al-Shabaab.

Guddoomiyaha degmada Jalalaqsi ee Gobalka Hiiraan  Maxamed Nuur Cagajoof ayaa sheegay in xubnahan ka tirsan maleeshiyada Argagixisada  Al-Shabaab oo gaari Caasi ah watay ay wadadda u galeen halkaana ay ku dileen dhamaan Maleeshiyaadkii gaari saarnaa.

Sidokale Guddoomiyaha waxaa uu sheegay in Maleeshiyaadkaasi ay ka Maleeshiyaadkii ay dileen ay furteen 18 qori gacmeed ah iyo rasaas, waxaana Guddoomiyaha uu intaa ku daray inay warbaahinta u soo bandhigi doonaan saacadaha Soo aadan qasaraha gaaray Al Shabaab iyo hubkii ay ka furteen.

Gabagabadii Guddoomiyaha degmada Jalalaqsi ayaa balanqaaday in ay sii wadi doonaan howlgalada ka dhanka kooxda Argagixisada ah ee Al-Shabaab.

Howlgalada Ciidamada Xoogga Dalku ay ka wadaan Gobalada Dalka ayaa ah mid lagu Cirib tirayo haraadiga Maleeshiyaadka Naf lacaariga ah, ee sii galbanaya.

LEAVE A REPLY

Please enter your comment!
Please enter your name here