Ciidamada Xoogga dalka oo la wareegay degaanno ay argagaxisada kaga sugnayeen Gobolka Mudug

Ciidamada Xoogga  dalka iyo kuwa amniga dowlad gobaleedka Galmudug ayaa Howlgal wadajir ah ka sameeyay Koonfurta Gobolka Mudug, kaas oo ay kula wareegeen degaanna ay ku dhumaleeysanayeen argagaxisada.

Ciidamada ayaa gacanta ku dhigay magaalada Bacaadweyn, Tuulada Qaycad, Sabeena Gawrac iyo deegaano kale oo ay ku dhuumaleeysanayeen maleeshiyaad ka tirsan Al-shabaab.

Maleeshiyaadka argagixisada ayaa ka cararay goobahii ay kaga sugnayeen deeganadan ay saakay la waregeen Ciidamada.

Shacabka ku nool deegaanada saakay laga fara maroojiyay argagixisada ayaa si weyn u soo dhoweeyey guusha ay ka soo hooyeen hawlgalkii saakay Ciidamada Qalabka ay halkaas ku qadeen.

Ciidamada Xoogga dalka ee ku sugan Galmudug ayaa beryahan waday hawlgallo ay ku cirib tirayaan haraadiga argagixisada eek u dhuumaaleysanaya qeybo yar oo kamid ah deegaanada Galmudug.

LEAVE A REPLY

Please enter your comment!
Please enter your name here