Ciidamada Xoogga Dalka oo qasaaro xoogan Al-shabaab ugu geystay Gobolka Jubbada Hoose

Howl-gallo qorsheysan oo ay Ciidanka xoogga Dalka ka fuliyeen Saacadihii lasoo dhaafay degaanka Buulo-guduud ee Gobolka Jubbada hoose ayay ku dileen 27 xubnood oo ka tirsanaa Al-Shabaab, kuwaas oo ay ku jiraan ajaaniib.

Taliyaha Guutada 16-aad ee Kumaandooska xoogga Dalka G/le, Ismaaciil Cabdimaalik Maalin ayaa warbaahinta Qaranka u sheegay in ay sidoo kale fashiliyeen Laba Gaari oo noocoodu yahay UD, kuwaasoo ay ku diyaarinayeen qaraxyo ay Argagixisadu doonaysay in ay ku dhibaateeyaan  Shacabka ku dhaqan gobolka Jubbada hoose.

Xubnaha ay dileen Ciidanka xoogga Dalka ayuu sheegay Taliyuhu in ay isugu jireen Malleeshiyaad iyo Horjoogayaal ay ka mid ahaayeen ajaaniib.

LEAVE A REPLY

Please enter your comment!
Please enter your name here