Ciidamadda amaanka oo magaalada Gaalkacyo ka bilaabay howlgal lagu sugayo amniga.

Howlgalkaan oo qeyb ka ah qorshaha xoojinta amniga iyo nabad galyada Magaalada Gaalkacyo sidoo kalana lagu fulinaya amar dhawaan kasoo baxay maamulka gobalka iyo taliska qeybta booliiska gobalka Mudug isla markaana lagu mamnuucay isticmaalka muraayadaha qarsoon ee baabuurta lagu sameeyo iyo ku dhax sidashada hubka sharci darada ah gudaha magaalada Gaalkacyo ayaa waxaa ciidamada amniga gaar ahaan booliiska , nabad sugida iyo ciidanka xasilinta oo iskaashanaya ay ka bilaabeen saaka qeybo ka mida ah xaafadaha Magaalada Gaalkacyo iyagoona gawaarida ka fujinayay bacaha madoow ee lagu dhajiyo muraayadaha gawaarida.

Taliyaha qeybta booliiska ee gobalka Mudug G/dhaxe Qaasim Shirdoon Cali oo la hadlay warbaahinta ayaa faahfaahin guud ka bixiyay howlgalka iyo sababaha keenay.

Gudoomiyaha gobalka Muudug c/raxmaan cali diiriya ayaa isna bogaadiyay howlgalada ciidamada amniga ay ka bilaabeen Magaalada Gaalkacyo isagoona xusay in aan la ogalaan doonin in askari aan shaqo ku jirin uu hub ku dhax qaato gudaha Magaalada Gaalkacyo iyo guud ahaan gobalka.

LEAVE A REPLY

Please enter your comment!
Please enter your name here