Ciidammada Xoogga dalka oo gacanta ku dhigay dhagar qabayaal iyo hubkoodii

0
1859

Ciidammada Xoogga dalka Soomaaliyeed ee ku sugan deegaanno ka tirsan gobolka Shabeellada Hoose, ayaa gacanta ku dhigay toban nin oo ka tirsan maleeshiyaadka argagixisada ah ee UGUS kaddib howlgal ay ka sameeyeen halkaas.

Taliyaha ururka Koobaad Guutada Shannaad ee Ciidammada Xoogga dalka Soomaaliyeed Axmed Absuge oo Wareysi Siiyey Radio Muqdisho, ayaa sheegay in howlgalka uu ahaa mid qorsheysan, isla markaana gacanta ay ku dhigeen maleeshiyaadka ka tirsan nabad-diidka iyo hubkii ay wateen.

“Howlgalkaan waa mid joogto ah waa mid shaqadeena ah taas oo ah mid noola idmay inaan qabano, kooxda shabaab malaha awood ay kula dagaalamaan ciidammada xoogga dalka, Howgalkaas waxaan ku qabanay Toban nin oo ka tirsan maleeshiyaadka UGUS  iyo siddeed qoray oo ay wateena , dhawaan waxaan u soo bandhigi doonnaa  warbaahinta wayna ka soo muuqan doonaan kooxda UGUS hadda xaaladdu waa ay wanaagsan tahay wax dhibaata ahna majiraan ” sidaasi waxaa yire Taliye Axmed Absuge.

Ciidammada xoogga dalka ayaa markasta u taagan in ay dabagal ku sameeyaan goob kasta oo ay ku tuhmaan Ururka Gumaadka ummadda Soomaaliyeed ee UGUS,  kuwaas oo hadda u muuqda inay sii taag yaraanayaan.

 

 

Did you like this? Share it:

LEAVE A REPLY

Please enter your comment!
Please enter your name here