Ciidamo Boliis Ah Oo Tababar Ugu Furmay Beledweyne “Sawirro”

2108

 

Tababarkani oo ay bixinayaan Saraakiil ka socota Howl-galka Midowga Afrika ee AMISOM ayaa Waxaa ka Faa’iideysan Doona 33-Askari oo ka tirsan ciidamada Booliiska Gobolka Hiiraan.

Munaasabada furitaanka tababarka oo ay ka qeyb-galeen mas’uuliyiinta maamulka gobolka Hiiraan, saraakiisha ciidammada iyo xildhibaanno, ayaa socon doona mudo15 cisho ah, waxaana lagu baran doonaa mudadaas casharo wax weyn ka taraya shaqada ciidammada booliiska.

Col. Cali Cabdi Mahad Alle oo ah taliyaha qeybta booliiska degmada Beledweyne, oo ka hadllay munaasabada furitaanka ayaa tallaabo muhiim ah ku tilmaamay tababarka ay qaadanayaan askarta la soo xulay ee ka tirsan ciidammada booliiska gobolka, isagaoo sheegay in aqoonta ay ka faa’ideystaan tababarka saameyn doonto dhamaanba ciidammada kale ee aan helin fursadan oo kale.

Xildhibaan Nuur Iidoow Beyle oo ka mid ah mudanayaasha baarlamaanka Soomaaliya ayaa munaasabada ka sheegay in ciidammada booliiska mar walba lafdhabar ay u yihiin nabad-galyada gudaha, sidaa daraadeed tababarada noocan oo kale ah mar walba wax weyn ka tari doonaan sare u qaadista aqoonta ciidammada iyo adeegyada looga baahan yahay.

“Ciidammada booliiska waa astaanta nabad-galyada,  haddii aysan ciidammada booliisku jirin macnaheedu waa kala dambeyn iyo sharci ma jiro, sidaa daraadeed aad baan ugu faraxsannahay tababarkan maanta furmay, dhalinyarrada isugu jirta wiilasha iyo gabdhaha ka faa’ideysanayana waxaan leeyahay aqoontiina gaarsiiyay saaxiibadiina kale ayuu yiri” Nuur Iidoow Beyle.

Ugu danbeyntii ku-simaha guddoomiyaha maamulka gobolka Hiiraan Sh. Xuseen Cisman Cali ayaa uga mahad celiyay saraakiisha AMISOM tababarka ay siinayaan ciidammada booliiska.

2015520635677223956037750iidow2 2015520635677224068559045iidoow5 2015520635677224202477171iidoow8 2015520635677224327508902iidoow3 2015520635677224419852225iidoow6 2015520635677224518914561iidoow4 2015520635677224826308030iidoow1 2015520635677224980840809iidoow7

Did you like this? Share it:

LEAVE A REPLY

Please enter your comment!
Please enter your name here