Ciidamo kamid ah Booliis Soomaaliya oo tababar la dagaallanka argagixisada ah uu kaga socdo Turkiga(Sawirro)

Tababar ku saabsan la dagaallanka Argagixisada ayaa magaalada Izmiir ee dalka Turkiga uga socda ciidamo ka tirsan Booliiska Soomaaliyeed.

Tababarkaan ayaa isugu jira burburinta iyo ka hortagga miinooyinka dhulka lagu aaso, baarista goobaha ay dambiyada ka dhacaan iyo howlgalada gaarka ah.

Ciidamadaan ayaa la sheegay in muddo bilo ah uu tababarka u socday, waxaana ay isugu jiraan qaybo kala duwan oo marba tababaro gaar ah lagu siinayo goobaha ka mid ah buuralayda magaalada Izmiir.

Dowladda Turkiga ayaa muddooyinkii u dambeeyay si wayn uga qeyb qaadanaysay tababarka Ciidamada qalabka sida ee Soomaaliyeed, waxaana ay boqolaal askari ay ku soo tababartay dalkeeda, kuwaasoo isugu jira Ciidamo Boolis ah iyo kuwo ka tirsan xoogga dalka.

LEAVE A REPLY

Please enter your comment!
Please enter your name here