Ciidamada kumaandooska Soomaaliya oo toogasho ku dilay horjoogihii Shabaab ee degmada Qoryooleey

7761

Ciiidamada kumaandooska ee DANAB ayaa howlgallo ay ka sameeyeen deegaanno ka tirsan gobolka Shabeellaha Hoose waxa ay ku dileen horjoogihii  Shabaab u qaabilsanaa degmada Qoryooleey iyo lix maleeshiyo oo la socotay.

Afhayeenka Wasaaradda Amniga ee Xukuumadda Soomaaliya Cabdikaamil Macalin Shukri oo la hadlay Radio Muqdisho ayaa sheegay in ciidamada ay ku guuleysteen dilka horjoogihii Shabaabka u qaabilsanaa degmada Qoryooleey iyo maleeshiyaad kale oo la socday, waxaana uu intaa ku daray in ciidamada ay joogteen doonaan howlgallada ka dhanka ah maleeshiyada Al-Shabaab, iyadoo falkan u dhacay xilli maleeshiyada ay doonayeen inay u gudbaan dhanka gobolka Shabeelaha dhexe.

“Howlgalkan lagu dilay horjoogahan iyo lixda kale ee maleeshiyada Al-Shaabab ayaa ka dambeeyay howlgal ay ciidamada kumaandooska ee DANAB ay ka sameeyeen inta u dhexeysta xadla labada gobol ee shabeelaha dhexe iyo Shabeelaha Hoose”ayuu yiri Afhayeenka.

Afhayeenka ayaa shacabka uga mahadceliyay sida ay ula shaqeeyaan ciidamada Nabadgelyada, waxaana uu intaa ku daray in ciidamada ay saaxiibo dhaw la yihiin shacabka.

Did you like this? Share it:

LEAVE A REPLY

Please enter your comment!
Please enter your name here