Ciidanka ammaanka oo qabtay rag Al-shabaab ka tirsan

85

Ciidanka amniga Soomaaliya ayaa howlgal qorsheysan ka sameeyay xaafad ka tirsan degmada Yaaqshiid ee gobolka Banaadir, sida ay sheegeen saraakiil laamaha amniga ka tirsan.

Howlgalka ayaa lagu soo qabtay nin ka tirsan maleeshiyaadka nabad diidka ah ee Alshabaab kaas oo sida la sheegay qorsheynayay in uu fuliyo dil iyo qaraxyo oo ku waxyeelanayo shacabka Soomaaliyeed.

In muddo ah ayay saraakiisha ammaanku sheegeen in ay ku raad joogeen ninkan dhagar qabaha ah.

Saraakiisha amniga dowladda federaalka Soomaaliya ayaa tilmaamay in ay hayaan cadeymo muujinaya in ninkan uu ka tirsan yahay Al-shabaab isla markaana falal amni daro ah maleegayay.

Wararka ayaa intaa ku daraya in ninkan dhagar qabaha ah hadda baaritaan uu ku socdo si loo hor geeyo sharciga.

Ciidanka amniga Soomaaliya ayaa muddooyinkana labo laabaya howlgalada ay ku beegsanayaan maleeshiyaadka Al-shabaab oo doonaya in ay dhibaateeyaan shacabka Soomaaliyeed.

Did you like this? Share it:

LEAVE A REPLY

Please enter your comment!
Please enter your name here