Ciidanka Booliska oo bur buriyay fariisimo ay Al-Shabaab ku lahaayeen duleedka Baladxaawo

Ciidanka Booliska. gaarka ah ee Haramacad iyo ciidamada Nabadsugidda ee ku sugan Degmada Beledxaawa ayaa maanta burburiyay fariisimo ay ku lahaayeen Maleeshiyaadka Al-Shabaab Tuulada Caracase oo qiyaastii 30km ujirta Degmada Baladxaawo.

Ujeedka Howlgaladan ayaa ahaa sidii looga dulqaadi lahaa shacabka kudhaqan miiga oo dhibaata wayn ay ku hayaan Maleeshiyada Al-Shabab, waxaana howlgaladan hogaaminayay Taliyaha Xasilinta Gobolka Gedo Bakaal Kooke Isagoo sheegay in ciidanka ay gaari doonaan Dhamaan Goobaha ay kaga sugan yihiin argagixisada Al-Shabaab Gobolka Gedo.

Taliyaha ayaa xusay in howlgalkii maanta uu ahaa mid qorsheysan oo ay bartilmaameedkoodu ka fuliyeen goobo cayiman, waxaana uu shacabka uga mahadceliyay sida ay ula shaqeeyaan laamaha ammaanka, uuna ka codsaday inay xoojiyaan la shaqeynta ciidanka.

LEAVE A REPLY

Please enter your comment!
Please enter your name here