Ciidanka Danab oo howlgal ku dilay maleeshiyaad ku dhuumaleysanayay deegaanno ka tirsan Jubbada Hoose

0
5835

Wararka ka imaanaya gobolka Jubbada Hoose waxa ay sheegaan in halkaasi lagu dilay horjoogayaal iyo maleeshiyaad ka tirsan Al-Shabaab, kuwaasi oo ku dhuumaaleysanayay deegaanno ka tirsan gobolka Jubbada Hoose.

Ciidamada xoogga dalka, gaar ahaan kuwa kumaandooska ee Danab ayaa waxa ay howlgalkaasi ka fuliyeen deegaan lagu magacaabo Galashuumbi oo 60km galbeed kaga beegan magaalada Kisamayo ee xarunta Gobolka Jubbada Hoose.

Saraakiil ka tirsan ciidanka howlgalka fuliyay oo la hadlay Warbaahinta Qaranka ayaa sheegay in weerarka lagu dilay saddex ka tirsan maleeshiyada Al-Shabaab, isla markaana lagu dhaawacay labo kale, kuwaasi oo 3-da la dilay uu ku jiray horjooge ka tirsanaa maleeshiyada Al-Shabaab.

Howlgalkan ayaa ah kii labaad ee Todobaadkan lagu qaado saldhigyada maleeshiyada Al-shabaab ay ku leeyihiin gobolka Jubbada Hoose.

Did you like this? Share it:

LEAVE A REPLY

Please enter your comment!
Please enter your name here