Ciidanka DANAB oo la wareegay deegaanno hor leh

Ciidanka DANAB ee Xooggga Dalka ayaa saakay argaggixisada Al-Shabaab kala wareegay deegaanno hor leh oo hoostaga magaalada Marka ee xarunta Gobolka Shabeellaha Hoose.

Ciidanka DANAB ayaa hadda Howlgallo baaritaanno ah ka wada gudaha Deegaanka Ceel-Saliin oo ay saaka la wareegeen, kaas oo dhanka Waqooye 20-KM kaga beegan magaalada Marka ee Xarunta Gobolka Shabeelaha Hoose.

Maxamed Xasan Cali oo ah Wariyaha Warbaahinta Qaranka ee dhanka Howlgalada ayaa soo sheegaya inay ciidamadu hadda deegaanka ka wadaan hawlo lagu xaqiijinayo ammaanka, iyadoo dadka deegaanka ay soo dhaweeyeen in laga dulqaado Maleeshiyada Alshabaab oo in muddo ah dhibaato ku haysay bulshadaasi.

Gobolka Shabeelaha Hoose waxaa ka socda hawlgal baaxad leh oo ka dhan ah maleeshiyada Al-Shabaab, halka deegaanadii dhawaan laga saarayna ay ka socdaan hawlo shacabka lagu caawinayo maamulana looga hirgalinayo deegaaanada la xoreeyey.

LEAVE A REPLY

Please enter your comment!
Please enter your name here