Ciidanka Hay’adda Nabad sugidda oo howlgallo ku soo qabtay hub iyo maleeshiyaad lagu tuhmayo Al-Shabaab

0
1508

Ciidanka Hay’adda Nabadsugida iyo Sirdoonka Qaranka ayaa howlgallo ay ka sameeyeen inta u dhexeysa Ceelasha biyaha iyo Afgooye waxay kusoo qabteen Maleeshiyaad ka tirsan kooxda Al-Shabaab iyo hubkii ay heysteen.

Ciidanku ayaa waxa ay howlgallada ka bilaabeen Ceelasha biyaha, Lafoole, Xaawo Cabdi iyo meelo kale oo u dhaw degmada Afgooye ee Gobolka Shabeelaha Hoose, iyagoo baaritaanno ka sameeyay guryo ay ku tuhmayeen inay ku dhuumaaleysanayaan maleeshiyaad ka tirsan Al-shabaab, waxaana ciidamadu ay gacanto dhallinayarro badan, kuwaasi oo baaritaanno dheeraad ah kaddib sii daayay qaar ka mid ah dhalinayaradii howlgallada lagu qabtay, halka kuwa kale lagu helay caddeymo muujinaya inay shabaab ka tirsanyihiin.

Ciidanka Hay’adda Nabad sugidda waxa ay sidoo kale gacanta ku soo dhigeen qalab ciidan iyo raggii watay oo la aaminsanyahay inay yihiin qalab ciidan oo laga soo qaatay bar ay ciidamada AMISOM ay horey uga deganaayeen gobolka Shabeelaha Hoose, kuwaasi oo ay iminka ku socoto baaritaanno dheeraad ah oo lagu ogaanayo waxa ay yihiin iyo meesha ay ka keeneen.

Howgalka ayaa u jeedkiisu yahay in laga hortago falalka ay maleeshiyaadka Al-Shabaab ka soo abaabulayaan meelo ka baxsan caasimadda, si ay ugu dhibaateeyaan bulshada.

 

 

Did you like this? Share it:

LEAVE A REPLY

Please enter your comment!
Please enter your name here