Ciidanka Itoobiya oo TPLF kala wareegay magaalo 116-KM u jirta caasimadda gobolka Tigreega ee Mekelle

Sida uu sheegay golaha xaaladda deg degga ee Itoobiya u xilsaartay gobalka Tigreega, ciidanka dowladda ayaa la wareegay saakay magaalada Adigrat.

Nawaaxiga Adigrat waxaa ka socday dagaal illaa shalay galinkii danbe kadib markii ciidanka federaalka Itoobiya qabsadeen shalay magaalooyinka Axum iyo Adwa.

Adigrat waxay 116 km u jirtaa magaalada Mekelle ee xarunta gobalka Tigreega.

Dagaalka muddada ku dhow 20-ka cisho ka socda waqooyiga Itoobiya ee u dhaxeeya ciidanka dowladda iyo TPLF ayaa u muuqanaya mid dowladdu horumar ka sameyneyso.

Qeybo badan oo ka mid ah galbeedka,koonfurta iyo waqooyiga gobalka Tigreega ayaa galay gacanta ciidanka Itoobiya.

LEAVE A REPLY

Please enter your comment!
Please enter your name here