Ciidanka Kenya oo iska caabbiyay weerar ay ku qaadday Koox lagu tuhunsanyahay Al-Shabaab

Afar Qof ayaa ku dhaawacmay is rasaasayn xooggan oo dhex martay Ciidanka difaaca Dalka Kenya iyo Koox Hubeysan oo lagu tuhmayo inay ka tirsan yihiin Kooxda argagixisada ah ee Al-Shabaab.

 

Siddeed Nin oo ku Hubeysan Qoryaha fudud ee Ak-47 ayaa weerar ku qaadday degaanka Shimbirreey oo 50 Km u jirta Magaalada Gaarisa, halkaas oo ay xarun ku leedahay Shirkad samaysa Waddooyinka oo laga leeyahay Dalka Shiinaha.

Taliyaha Ciidanka Boliiska is-maamulka Gaarisa, Richard Kerina, ayaa sheegay in ay Ciidanku jawaab deg-deg ah ka bixiyeen weerarka ay Dableydu kusoo qaadday xarunta shirkadda, haatanna ay ku raad joogaan.

Qaar ka mid ah Dadka oo Magacyadooda ka gaabsaday ayaa warbaahinta Kenya u sheegay in ay kooxdu ay soo Af-duubteen Nin ka tirsan degaanka, iyagoo ammar ku siiyay in uu tuso halka ay Shirkaddu deggen tahay.

Dadka dhaawacmay ayaa waxaa ka mid ahaa Hawweneey ka tirsanayd waardiyaha Xarunta iyo Seygeeda, kuwaas oo haatan ay la tacaalayaan xaaladdooda Caafimaad dhaqaatiirta Isbitalka Gaarrisa.

Did you like this? Share it:

LEAVE A REPLY

Please enter your comment!
Please enter your name here