Ciidanka Kumandooska Danab oo burburiyay fariisin ay Shabaab ku lahaayeen degaan ka tirsan gobolka J/Hoose

5181

Ciidamada XDS kuwooda sida gaarka ah u tababaran ee Kumaandooska Danab ayaa xalay ka fuliyey hawl-gal qorsheysan deegaanka Cabdi-Dhoorre ee gobalka Jubbada Hoose, oo qiyaastii 40-km dhanka galbeed kaga beegan Magaalada Kismaayo, waxaana ay ciidanku ku bur-buriyeen Bar koontarool oo ay halkaasi ku lahaayeen,maleeshiyaadka Al-shabaab .

Ilo lagu kalsoon yahay oo dhannka Ciidanka ah ayaa u xaqiijiyey Wakaaladda Wararka Soomaaliyeed ee SONNA in hawl-kaas uu bartilmaameedkiisa ahaa fariisin maleeshiyaadka Al-Shabaab ku la haayeen deegaankaasi.

“Ciidanka Danab ee Commandos-ka ayaa deegaanka Cabdi-Dhoorre ka fuliyey hawl-gal xalay, waxayna bur-buriyeen Bar fariisin ah oo Shabaab-ka canshuur ku qaadayeen, ciidanku way bur-buriyeen goobtaas, waxa ay ka soo qaateen hub iyo agab kale oo ciidan, mana jirin wax iska caabbin ah intii uu hawl-galka socday”, sidaa Waxaa SONNA u sheegay sarkaal ka tirsan Ciidanka.

Did you like this? Share it:

LEAVE A REPLY

Please enter your comment!
Please enter your name here