Ciidanka Kumandoska ee Danab oo burburiyay saldhig ay Shabaab ku lahaayeen gobolka Sh/Hoose

0
7259

Ciidanka XDS qeybtiisa Kumandooska ee loo yaqaano Danab ayaa howlgal ay ka fuliyeen Habeenkii xalay iyo subaxnimadii maanta degaanka Goobaanle ee gobolka Shabeellaha Hoose waxa ay ku bur buriyeen saldhig ay maleeshiyaadka Shabaab ku lahaayeen halkaasi.

Degaanka Goobaanle ayaa saldhig ay isku uruursadaan u ahaa maleeshiyaadka Shabaab, hase yeeshee Ciidammada Xoogga Dalka Soomaaliyeed oo adeegsanaya xeelado sare oo dhanka dagaalka ah ayaa si fudud halkaasi ku galey, isla markaana burburiyey dhaqdhaqaaqyadii halkaasi ay ka wadeen argagixisada, iyagoo aan la kulmin wax iska caabbin ah oo sidaa u weyn.

Goobtaan ayaa argagixisada waxay u adeegsan jireen inay ku kaydsadaan hubka iyo qalabka kale ee dagaalka ee ay u adeegsadaan weerarada argagixiso ee ka dhanka ah shacabka aan waxba galabsan ee gobolka ku nool.

Jabkani ayaa waxaa uu ka dhigan yahay guul u soo hoyatey shacabka degaanka Goobaanle iyo guud ahaan gobolka Shabeellaha Hoose.

Kooxda argagixisada Al Shabaab ayaa sidoo kale waxaa dhowaanahan guuldarooyin waaweyn loogu geystey goobo ka baxsan gobolka Shabeellaha Hoose, sida gobolka Jubbada Hoose iyo goobo kale.

Ciidammada Danab ee sida gaarka ah u tababaran  ayaa hawshooda ay tahay inay meel kasta oo Soomaaliya ka tirsan ay kula dagaalamaan argagixisada Al Shabaab.

Guulahan ayaa muujinaya in ciidanka Soomaaliya ay awood u leeyihiin inay argagixisada Shabaab ka suuliyaan Soomaaliya oo dhan.

Howlgalkan ayaa qeyb ka ah howlgallo ay ciidamadaasi ka fuliyeen deegaanno kala duwan oo ka tirsan goobaha ay weli maleeshiyaadka Shabaab dalka uga harsanyihiin.

Did you like this? Share it:

LEAVE A REPLY

Please enter your comment!
Please enter your name here