Ciidanka NISA oo gaari walxaha qarxa lagu soo xiray caawa ku qabtay Muqdisho

0
2807

Ciidanka Ha’yadda Sirdoonka iyo Nabadsugidda Qaranka Soomaaliya ee NISA ayaa gacanta ku dhigay gaari nooca raaxada ah oo laga soo buuxiyay Walxaha Qarxa, kaas oo la dhigay meel waddada dhinaceeda ah.

Sarkaal ka tirsan Hay’adda NISA ayaa Wakaaladda Wararka Soomaaliyeed ee SONNA u sheegay in gaariga la dhigay goob ay bulshadu ku badantahay oo ka tirsan degmada Boondheere ee Gobalka Banaadir.

Sarkaalka ayaa intaas ku daray in qabashada gaarigan ay ciidanadu ku gacan siiyeen Bulshada deegaanka oo ku soo war-galiyay in ay ka shakiyeen gaari waddada lasoo dhigay, kadibna markii la baaray laga helay Qaraxyo.

Wariyeyaal iyo Sawir-qaadayaal ka tirsan warbaahinta Qaranka oo gaaray goobta gaarigu yaallo ayaa kusoo waramaya in hadda Qaraxyada laga Furfurayo gaariga ayna joogaan ciidamada sida gaar ah ugu takhasusay Miino Baarista ee hay’adda NISA.

Did you like this? Share it:

LEAVE A REPLY

Please enter your comment!
Please enter your name here