Ciidanka Qaybta 21-aad iyo ciidanka AMISOM ayaa isku diyaarinaya hawlgal ka dhan ah kooxda Shabaab.

Taliska ciidanka xoogga dalka qaybtooda 21-aad ee ku sugan Galmudug iyo ciidamada AMISOM ayaa si wada jir ah ugu diyaar garoobaya hawlgal ka dhan ah kooxda shabaab, kaas oo looga saarayo deegaanada ay wali kaga harsanyihiin Mudug iyo Galgaduud.
Ciidamada ayaa maanta kormeer ku sameeyay deegaano dhawr ah oo hoos yimaada magaalada Cadaado, kaas oo looga gol leeyahay in lagu xoojiyo wada shaqaynta Ciidamada.
Ammaanduulaha qaybta 21aad Janaraal C/laahi Aadan Xuseen ( Cirro) ayaa sheegay in ay qaadi doonaan dhawaan hawlgal deegaanada Galmudug looga  cirib tirayo kooxda Shabaab.
Taliye ku xigeenka Ciidanka Burundi ee ku sugan Cadaado ee qaybta ka ah hawlgalka AMISOM Major Emmanuel Ndayishimiye ayaa sheegay in uu ku faraxsanyahay in maanta ay hawlo shaqo ku yimaadaan deegaano ka baxsan Cadaado, ayna la hawlgali doonaan ciidanka xoogga qaybtooda Galmudug ku sugan.
DSC00814 DSC00820 DSC00821 DSC00825 DSC00828 DSC00812 (2) DSC00820 (1) DSC00836 DSC00809 DSC00812 (3)

LEAVE A REPLY

Please enter your comment!
Please enter your name here